سياسة الخصوصية
شكون المسؤول على المعلومات ديالك
المسؤول على المعلومات ديالك هو متجر نوراي فالمغرب. لأي سؤال ولا طلب على المعلومات ديالك، تواصل معانا فواتساب.
المعلومات وكيفاش كنستعملوها
كناخدو رقم الهاتف، والاسم والعنوان إلا عطيتيهم، والمنتجات اللي طلبتي، باش نأكدو الطلبية ونوصلوها ونعاونوك. كنستعملو عنوان الإنترنت والبلاد اللي كتطلب منها باش نمنعو الطلبيات المزورة. ما كناخدوش معلومات البطاقة البنكية. كنقدرو نوريو فالسيت إشعارات ديال الطلبيات فيها المدينة والمنتج وسمية عامة (ماشي سمية الكليان)، بلا رقم ولا عنوان.
الخدمات اللي كنخدمو بيها
الطلبيات كتتسجّل بطريقة خاصة فـ Google Sheets، وما كيشوفها حتى واحد من غير فريق نوراي. وكنستعملو خدمات Cloudflare باش نعرفو البلاد اللي كتطلب منها ونمنعو الطلبيات المزورة.
قياس الإعلانات إلا وافقتي
غير إلا وافقتي، نقدرو نستعملو أدوات Meta وTikTok باش نقيسو الزيارات والشرا. رقم الهاتف كيتصيفط من بعد ما يتحوّل لبصمة رقمية، مع معرّفات الإعلان وعنوان الإنترنت ومعلومات المتصفح. البصمة ما كتخبيش المعلومات بشكل كامل. تقدر تبدّل الاختيار ديالك لتحت.
الحفظ، الحماية والحقوق ديالك
كنحتافظو بمعلومات الطلبية غير المدة اللي خاصانا باش نتبعوها، الخدمة من بعد البيع والالتزامات القانونية. تقدر تطلب تشوف المعلومات ديالك، تصححها ولا تمسحها فواتساب، حسب القانون المغربي 09-08 ديال حماية المعطيات الشخصية. غير الناس المسموح ليهم اللي كيشوفو الطلبيات.